తీరం చేరాలని పడిలేస్తున్న
కడలి తరంగాన్ని చూస్తే..
నా మనసు పడే ఆరాటం
నీకు తెలుస్తుంది..
అరుణోదయం కోసం
కమలం ఆవేదన చూస్తే..
నా ఊపిరి నీవేనని
నీకు అన్పిస్తుంది..
వెన్నెల కోసం కలువభామ
వేదన వీక్షిస్తే..
నీ చిరునవ్వుకు తపించే
నేను నీకు కన్పిస్తాను..
ఆమని రాక కోసం
ఆత్రపడే వనాన్ని గమనించు..
నా మదిలో నిండినది
నీ రూపమేనని తెలుస్తుంది..
తొలకరి జల్లు కోసం
పుడమి ఆరాటం చూస్తే..
నా జీవం నీవేనని
నీకు అర్దమవుతుంది..
April 5, 2010 at 9:55 AM
maakkuda ardha maindi
April 5, 2010 at 9:18 PM
నా బ్లాగ్ దర్శించినందుకు ధన్యవాదములు..