హృదయవాణి

నింగిలోని నీలి మబ్బుల పల్లకిలో,
నీవు పయనిస్తుంటే...

అవని అంచు నుండి
నిన్ను చేరాలని ప్రయత్నించి,

రెక్కలు తెగిన పక్షినై
కడలి అలల్లో కలసిపోయాను..

మరలా ఆశలు చిగుర్చి
శక్తిని కూడగట్టుకొని,

ఉవ్వెత్తున లేచి
ఒకే ఒక్క నీటి బిందువునై

నిన్ను స్పృశించే
ప్రయత్నం చేస్తాను..

బ్రతుకంతా ఎడారై,
ఎంత నిరాదరణ ఎండ కాచినా,
నే సిధ్ధంగా నిలిచాను..

కానీ ఉన్నట్టుండి,

ఒక్క మబ్బు తునక..
సూర్యరశ్మికి అడ్డువచ్చి,
చిరుజల్లులు వర్షిస్తే..

మరలా ఆశలు జనించి,
ఆ మబ్బుతునక సమక్షంలో..
సేదతీరుతున్నపుడు,
అది తుఫాన్ సృష్టిస్తే..

ఇసుకమయ ఎడారిలో
ఏమీ కానరాని తుఫానులో
ఒంటరినైనపుడు..

అన్నింటినీ మరపించే
నీ "చిరునవ్వు" గుర్తుకొచ్చింది..